Лабараторны кантроль пітных вод

Дадатковую інфармацыю можна атрымаць па тэлефоне:

8 (0212) 36-89-57, 8 (0212) 36-89-92  

Кантактная асоба: Шчарбініна Ірына Уладзіміраўна (начальнік лабараторыі)

Адрас лабараторыі: 210026г. Віцебск, пр-т Куйбышава, 52 (водазабор №1 г. Віцебска)

Электронная пошта лабараторыі: vitvodalab@vitebsvodokanal.by

Выпрабавальная лабараторыя па кантролі якасці пітных вод філіяла "Віцебскводаканал" УП "Віцебскаблводаканал" ажыццяўляе вытворчы кантроль якасці пітной вады горада Віцебска, Віцебскага раёна, г. Гарадка, Гарадоцкага раёна, г.п. Лёзна і Лёзненскага раёна ў адпаведнасці з Рабочымі праграмамі вытворчага кантролю якасці пітной вады на 2021-2025 гады.

Рабочыя праграмы распрацаваны ў адпаведнасці з патрабаваннямі Гігіенічнага нарматыву "Паказчыкі бяспекі пітной вады", зацверджанага Саветам Міністраў Рэспублікі Беларусь ад 25.01.2021 № 37, узгоднены з тэрытарыяльнымі цэнтрамі гігіены і эпідэміялогіі і зацверджаны рашэннямі мясцовых выканаўчых органаў.

Выпрабавальная лабараторыя акрэдытавана  ў Нацыянальнай сістэме акрэдытацыі Рэспублікі Беларусь на адпаведнасць патрабаванням ДАСТ ISO/IEC 17025-2019 "Агульныя патрабаванні да кампетэнтнасці выпрабавальных і калібровачных лабараторый".

У галіне акрэдытацыі лабараторыі 54 паказчыкі кантролю якасці пітной вады (арганалептычныя, хімічныя, мікрабіялагічныя і радыелагічныя).

Штогод выконваецца каля 80 000 даследаванняў па фізіка-хімічных паказчыках; 40 000 па мікрабіялагічных паказчыках і 700 па радыелагічных паказчыках.

Аб'ектамі кантролю з'яўляецца вада цэнтралізаваных сістэм пітнога водазабеспячэння:

• з крыніц водазабеспячэння;

• перад падачай у размеркавальную сетку;

• з размеркавальнай сеткі.

Маніторынг якасці пітной вады вядзецца 7 дзён на тыдзень.

Кантралюецца таксама вада нецэнтралізаванага пітнога водазабеспячэння г. Віцебска.

Адбор проб праводзіцца згодна з дзеючымі нарматыўнымі актамі. Адбор спроб для мікрабіялагічных даследаванняў праводзіцца ў стэрыльны посуд пасля абпалу крана, пробы дастаўляюцца ў лабараторыю ў тэрмакантэйнерах. Апроч рэалізацыі Рабочых праграм, пробы вады адбіраюцца пасля лакалізацыі інцыдэнтаў і аварый, па зваротах насельніцтва, пры суправаджэнні адпрацоўкі тэхналогіі водападрыхтоўкі.

У выпрабавальнай лабараторыі працуе персанал, які мае адпаведную адукацыю, прафесійную падрыхтоўку і досвед працы. Цяпер работы выконваюць: 5 інжынерна-тэхнічных работнікаў, 5 лабарантаў і 1 пробаадборшчык.

Філіял «Віцебскводаканал» кантралюе якасць вады толькі ў сістэмах халоднага водазабеспячэння, адказваючы за якасць паслуг на мяжы сваёй эксплуатацыйнай адказнасці (вонкавыя водаправодныя сеткі да ўводу ў будынак). За забеспячэнне належнай эксплуатацыі унутрыдамавых сістэмы водазабеспячэння адказнасць нясе арганізацыя, якая абслугоўвае дом (ЖЭС, МС і г.д.).